اسلام آباد(مانیٹرنگ ڈیسک)سعودی عرب میں کرونا وائرس کے پھیلنے سے جہاں مریضو ں کی تعداد میں اضافہ ہوتا چلا جارہا ہے وہیں ڈیوٹی پر مامور ڈاکٹرز اور نرسز کی نجی زندگیاں بھی متاثر ہو رہی اور آزمائش میں اضافہ ہوتا چلا جارہا ہے ۔ عربی اخبار میں شائع رپورٹ کے مطابق ایک ڈاکٹر کی آپ بیتی شائع ہوئی جس میں ڈاکٹر فلمبان نے کرونا وائرس کے سے پیدا ہونیوالے والے حالات کے بارے میں تبایا ۔
وہ ایئرپورٹس کلینکس کے ڈائریکٹر ہیں۔انہوں نے بتایا ہے کہ طبی عملہ اپنی فیملیوں سے ملنے سے محروم ہے ۔ انہوں نے بتایا کہ ان کی وجہ سے ان کی وجہ سے کوئی وائرس کا شکار ہوا جس کیلئے وہ ساری زندگی دکھی رہیں گے ۔ ڈاکٹر فلمبان نے بتایا کہ میری مختصر سے فیملی ہے بیوی اور ایک بیٹا ۔ جب میں کلینک سے واپس گھر گیا تو میرا بچہ روزانہ کی طرح دوڑ کر میری طرف بھاگا جس کیلئے میں نے اپنے بازو پھیلا دیئے لیکن یک انجانی قوت نے مجھے روک لیا میری آنکھیں بھیگ گئیں اور میں نے بڑی مشکل سے خود کو کنٹرول کیا اوربچے کو واپس اندر بھیجا ، انہوں نے مزید بتایا کہ کرونا وائرس کے مریضوں کے علاج کی وجہ سے میں نے احتیاطً خود کو والدین اور بیوی بچوں سے دور کر لیا ہے ۔ دوسری جانب پاکستان سمیت دنیا بھر میں کورونا وائرس سے فرنٹ لائن پر نبرد آزما ڈاکٹرز، نرسوں اور پیرامیڈکس کو خراج تحسین پیش کرنے کا سلسلہ جاری ہے۔ اٹلی میں ڈاکٹروں اور نرسوں کی آئی سی یو سے شیئر کی گئیں تصاویر نے دنیا بھر میں لوگوں کو ان کا گرویدہ کر لیا۔میڈیارپورٹس کے مطابق اٹلی میں کورونا وائرس کے مریضوں کے علاج میں مصروف ڈاکٹروں اور نرسوں نے اپنی تصاویر سوشل میڈیا پر شیئر کیں۔ آئی سی یو میں مریضوں کے علاج کے لئے کئی گھنٹے حفاظتی کٹس اور سامان پہنے رکھنے کے باعث ڈاکٹرز اور نرسوں کے چہروں پر زخم ہو گئے۔سوشل میڈیا پر ان تصاویر کے سامنے آنے کے بعد دنیا بھر میں لوگ ان ڈاکٹرز اور پیرامیڈکس کو ہیرو قرار دے رہے ہیں۔واضح رہے اٹلی میں کورونا کے بڑھتے کیسز اور ہلاکتوں کے باعث لاک ڈاون بھی جاری ہے۔ جبکہ یہاں عالمی وبا سے مرنے والوں کی تعداد 7503 ہوگئی ہے۔
