سرگودھا(این این )حکومت نے سرکاری ملازمین کو پاسپورٹ پر پیشہ تبدیل کروانے کی پھر اجازت دے دی۔جس پرملازم اپنے متعلقہ شعبہ سے این او سی لے کر پیشہ تبدیل کروا سکیں گے۔زرائع کے مطابق محکمہ پاسپورٹ کی طرف سے سرکاری ملازمین کے لئے پاسپورٹ پر پیشہ تبدیل کروانے کی ایک بار سہولت دے دی گئی ہے۔جس پر اب سرکاری ملازمین اپنے پاسپورٹ پر اپنا پیشہ تبدیل کروا سکتے ہیں۔ جبکہ پہلے سرکاری ملازم کے پاسپورٹ پر پیشہ پرائیویٹ لکھا ہوا ہے
اوع کسی ایک کا پیشہ تبدیل نہیں کیاگیا۔اس وجہ سے سرکاری ملازمین کو شدید مشکلات کا سامنادرپیش تھا۔اس حوالہ سے سرکاری ملازمین حج و عمرہ کی سعادت حاصل نہیں کر پا سکتے تھے۔ڈی جی پاسپورٹ کے احکامات میں کہا گیا ہے کہ وہ تمام سرکاری ملازمین جن کا پاسپورٹ پرائیویٹ پیشہ کے ساتھ بنا ہوا ہے وہ متعلقہ ڈیپارٹمنٹ سے این او سی لینے اوراپنے اپنے زونل ڈائریکٹر پاسپورٹ سے اجازت نامہ لینے کے بعد اپنا پیشہ تبدیل کروا سکیں گے۔
