اسلام آباد(مانیٹرنگ ڈیسک)پنجاب کے شہر اوکاڑہ میں مردہ خواتین کے ساتھ زیادتی کا انکشاف ۔تفصیلات کے مطابق ایک شخص جس کی عمر 50 سال کے لگ بھگ بتائی گئی ہے ،اوکاڑہ کے نواحی گاؤں جوئیہ شریف کے مقامی قبرستان میں دفنائی گئی خواتین کے ساتھ زیادتی کرتا تھا۔جسے رنگے ہاتھوں گرفتار کر لیا گیا ۔ملزم نے تفتیش کے دوران اپنے جرم کا بھی اعتراف کر لیا ،پولیس کے مطابق ملزم تین سال سے گھناؤنے فعل میں ملوث ہے۔
ملزم کے خلاف مقدمہ بھی درج کر لیا گیا ہے۔مقامی لوگوں نے ملزم کو کچھ روز پہلے دفنائے جانے والی عورت کے ساتھ زیادتی کرتے ہوئے رات کے وقت پکڑاتھا، دوسری جانب قبرستان کے آس پاس کے علاقہ میں موجود افراد نے واقعہ پر شدید رنج کا اظہار کیا اور کہا کہ انسانوں میں خوف خُدا نہیں رہا، تب ہی تو انسانوں نے مُردوں کو بھی نہیں بخشا۔ اہل علاقہ نے قبرستان کی انتظامیہ سے بھی مطالبہ کیا ہے کہ وہ ایسے واقعات کی روک تھام کے لیے ابھی سے ٹھوس اقدامات کریں۔
