ننکانہ صاحب(این این آئی)سانگلہ ہل اسسٹنٹ کمشنر سمیرا عنبرین کا ایکشن۔ماسک مہنگے داموں اور بلیک میں فروخت کرنے پر شہر کے بڑے لاوا میڈیکل سٹورکو 80ہزار جرمانہ کے ساتھ سیل کر دیاسیل کرتے وقت لاوا میڈیکل سٹورکے کروڑ پتی مالکان نے

اسسٹنٹ کمشنر سانگلہ ہل سمیرا عنبرین پر پریشر ڈالنے کیلئے سیاسی اثر و رسوخ استعمال کرنے کی کوشش کی جس کو اسسٹنٹ کمشنر سانگلہ ہل نے یکسر طور پر مسترد کر دیا۔ واضح رہے کہ گزشتہ روز پاکستان میں کرونا وائرس کے مریضوں کی آمد کی خبروں کے بعد سٹورز مالکان نے ماسک کی مصنوعی قلت پیدا کر کے اس کو زائد قیمت اور بلیک میں فروخت کرنا شروع کر دیا 10روپے والا ماسک100روپے میں فروخت کررہے تھے اس سلسلہ میں سانگلہ ہل کمیٹی بازار کے بڑے لاوا میڈیکل اینڈ جنرل سٹور مالکان نے بھی ماسک غائب کر کے مصنوعی بحران پیدا کر دیااس کی شکایت ملنے پر اسسٹنٹ کمشنر سانگلہ ہل سمیرا عنبرین نے فوری طور پر ایکشن کرتے ہوئے سٹور کو سیل کر دیا اسسٹنٹ کمشنر نے سٹور کو سیل کرنے سے پہلے باقائدہ طور پر گاہک بھیج کر ماسک کی خریداری کروائی تھی اور انہوں نے نا جائز منافع وصول کیا جس پر اسسٹنٹ کمشنر نے کاروائی کرتے ہوئے80ہزار جرمانہ کے ساتھ سٹور سیل کر دیا۔

موضوعات:ماسک مہنگے داموں اور بلیک میں فروخت کرنیوالوں کی شامت