لاہور(این این آئی)مسلم لیگ (ن) نے اپنے رہنماؤں کو پیپلز پارٹی کے چیئرمین بلاول بھٹو کے بیان پر رد عمل دینے سے روکدیا۔ذرائع کا کہنا ہے کہ بلاول بھٹو کے بیان پر مسلم لیگ (ن) نے سابق صدر آصف علی زرداری اور دیگر سینئر مرکزی رہنماؤں تک اپنا احتجاج پہنچادیا ہے۔اطلاعات ہیں کہ سابق وزیراعظم نواز شریف اور مسلم لیگ (ن) شہباز شریف
نے بھی بلاول کے ریمارکس پر ناراضگی کا اظہار کیا ہے۔بلاول بھٹو نے لاہور میں قیام کے دوران صحافیوں سے گفتگو کرتے ہوئے بیان دیا تھاکہ عمران خان کی طر ح نواز شریف بھی سلیکٹڈ تھے، جب پنجاب کے عوام کو ضرورت پڑی تو ان کے لیڈر غائب ہو گئے، (ن) لیگ بھی عمران خان کی طرح پارلیمنٹ کو اہمیت نہیں دیتی۔
