کراچی (مانیٹرنگ ڈیسک) اُبھرتی ہوئی معیشتوں کی سو جامعات میں پاکستان کی قائداعظم یونیورسٹی نے بھی جگہ بنا لی۔ جامعات کی عالمی درجہ بندی کرنے والے ادارے دی ٹائمز ہائر ایجوکیشن نے اُبھرتی ہوئی معیشتوں کی جامعات کی درجہ بندی برائے 2020ء جاری کر دی ہے جس میں ٹاپ 4 جامعات تسنگوا یونیورسٹی، پیکنگ یونیورسٹی، زینجنگ یونیورسٹی اور یونیورسٹی آف سائنس اینڈ ٹیکنالوجی کا تعلق چین سے ہے جب کہ پانچویں نمبر پر روس کی لومونوسیو ماسکو اسٹیٹ یونیورسٹی، آٹھویں نمبر پر

تائیوان کی نیشنل تائیوان یونیورسٹی اور دسویں نمبر پر جنوبی افریقہ کی یونیورسٹی آف کیپ ٹاؤن ہے۔ ٹاپ ٹین میں سات جامعات کا تعلق چین سے ہے جبکہ ابھرتی ہوئی معیشتوں کی 100 جامعات میں پاکستان کی قائد اعظم یونیورسٹی بھی جگہ بنانے میں کامیاب ہوگئی ہے قائد اعظم یونیورسٹی کا نمبر 85 واں ہے جبکہ کامسٹس 159 نمبر پر ہے پاکستان کی 14 جامعات 533 جامعات میں جگہ بنانے میں کامیاب ہوئی ہیں مگر ان میں سندھ اور بلوچستان کی کوئی جامعہ شامل نہیں ہے۔