اسلام آباد(مانیٹرنگ ڈیسک)انتظامیہ کی غلطی نے نواز شریف کو پھر سے وزیراعظم بنا دیا ، سبی انتظامیہ نے دعوت نامے پر وزیراعظم عمران خان کی بجائے وزیراعظم نواز شریف کی تصویر چھاپ دی ۔ تفصیلات کے مطابق وقت کمی کی بنا پر انتظامیہ کی جانب سے غفلت اور جلد بازی نے وزیراعظم عمران خان کی جگہ میاں نواز شریف کی تصویر چھاپ دی ۔
میلے کا انعقاد آج سے ہو رہا ہے جس کے دعوت نامے مہمانوں کو بھی بھجوا دیئے گئے ہیں ۔ دعوت نامے پر صدر عارف علوی کا نام شامل ہے لیکن عمران خان کی بجائے وزیراعظم میاں نواز شریف چھپ گیا ۔ذرائع نے بتایا ہے کہ نوازشریف کے نام والا دعوت نامہ مہمانوں کے بھیجا جا چکا ہے ۔ انتظامیہ نےغلط نام چھپنے کی چھان بین شروع کر دی ہے کہ یہ غلطی کس سے ہوئی اور کیوں کی گئی ، دوسری طرف کام کرنے والے ورکرز کا کہنا تھا کہ ہمارے اوپر کام کا لوڈ اور ٹائم کم تھا ۔ جس کی وجہ ہم سے یہ غلطی ہو گئی ، ہم نے عمران خان کی بجائے نواز شریف کا نام چھاپ دیا ۔جبکہ انتظامیہ کی جانب سے ابھی تک کوئی ٹھوس جواب سامنے نہیں آیا ہے کہ یہ غلطی کس کی جانب سے ہوئی ہے ۔
