اسلام آباد (آن لائن) مارگلہ ہلز پر شاہ اللہ دتہ کے قریب جنگلات میں ایک مرتبہ پھرآگ بھڑک اٹھی،چند لمحوں میں آگ کے شعلوں نے پورے علاقے کو اپنی لپیٹ میں لے لیا،آگ کے شعلے دوردراز میدانی علاقوں سے بھی دیکھے جاتے رہے۔میٹروپورلیٹن کارپوریشن (ایم سی آئی)کے شعبہ انوائرمنٹ کا عملہ موقع پر تاخیر سے پہنچا۔
ڈائریکٹر انوائرمنٹ رانا طاہر کا کہنا ہے کہ مذکورہ علاقہ انتہائی دشوارگزار ہے مشنری اور گاڑیوں کی رسائی ناممکن ہے،تیزہواکے باعث آگ کی شدت میں اضافہ ہوسکتاہے۔ شہر کے پرفضااورسیاحتی مقام مارگلہ ہلز پر گزشتہ 24گھنٹوں کے دوران تیسری مرتبہ ہولناک تشزدگی کا واقعہ ہے رونماہواہے۔ذرائع کے مطابق دن کے اوقات میں شاہ للہ دتہ کے قریب لگنے والی آگ کی بروقت ایم سی آئی کے شعبہ انوائرمنٹ کو اطلاع دی گئی تاہم انوائرمنٹ کی ٹیمیں موقع پر اس وقت پہنچیں جب آگ کے شعلوں نے جنگل کے ایک بڑے حصے کو اپنی لپیٹ میں لے لیا۔اس حوالے سے ڈائریکٹر انوائمنٹ رانا طاہر کا کہنا ہے کہ شاہ اللہ دتہ کے جس مقام پر آتشزدگی ہوئی ہے وہ انتہائی دشوارگزار علاقہ ہے جہاں تک ہماری گاڑیوں اورمشنری کی رسائی ناممکن ہے،تاہم شعبہ انوارمنٹ کی ٹیمیں آگ پر قابو پانے کیلئے موقع پر پہنچ گئیں،انہوں نے کہا کہ ہماری ٹیموں کو تیز ہوااوردشوارگزارراستے کے باعث آگ پر قابوپانے میں دشواری کاسامنا ہے۔ ذرائع کے مطابق آتشزدگی کے باعث متعدد بیش قیمتی درخت،پودے،لکڑی اور جانور جل کر خاکستر ہوگئے ہیں۔
