راولپنڈی (این این آئی)پاک فوج کے شعبہ تعلقات عامہ (آئی ایس پی آر) نے یوم یکجہتی کشمیر کیلئے تیار کیا گیا خصوصی نغمہ ’کشمیر ہوں میں، شہ رگ پاکستان کی‘ ریلیز کر دیا۔ڈی جی آئی ایس پی آر کی جانب سے یوم یکجہتی کشمیر کے موقع پر خصوصی نغمہ ’کشمیر ہوں میں‘ ریلیز کیا گیا ہے جس کا دورانیہ 4 منٹ 25 ہے۔کشمیر ہوں میں
نغمے میں نامور گلوکار ساحر علی بگا کی جوش و جذبے سے بھرپور آواز شامل ہے جس کی شاندار شاعری عمران رضا نے تحریر کی ہے۔خصوصی نغمے میں کشمیریوں کے حق خود ارادیت اور آزادی کا مطالبہ کرتے ہوئے جہاں قابض بھارتی فوجیوں کے ظلم و ستم کو بے نقاب کیا گیا ہے وہیں تمام شہداء کو خراج عقیدت بھی پیش کیا گیا ہے۔
