لاہور(آئی این پی) پنجاب جوڈیشل اکیڈمی میں پہلی مرتبہ فرضی عدالت کے ذریعے ججز کے تربیتی کورس کا آغازکردیا گیا، ٹریننگ پر آئے ججز فرضی عدالت میں مقدمہ قتل میں ملزم، جج، گواہ، اور پراسیکیوٹر بنے، فرضی گواہ بننے والے ججز کی شہادتیں بھی ریکارڈ کی گئیں۔تفصیلات کے مطابق پنجاب جوڈیشل اکیڈمی میں ٹھوس کی تربیت کے دوران فرضی عدالت لگا کر انہیں ٹریننگ کا موقع بھی فراہم کیا گیا، ڈی جی پنجاب جوڈیشل اکیڈمی حبیب اللہ عامر نے خصوصی شرکت کی۔
ڈائریکٹر جوڈیشل اکیڈمی سیشن جج شازب سعید نے ججز کو خصوصی لیکچر دیاڈاِئریکٹر جوڈیشل اکیڈمی شازب سعید نے ججز کے مقدمہ قتل کے دوران فرضی عدالت کا جائزہ لیا، ایڈیشنل سیشن ججز کے عہدے پر ترقی پانے والے ججز کو فرضی عدالت لگا کر ٹریننگ دی گئی۔ایڈیشنل سیشن جج جمیل احمد کھوکھر سمیت چھتیس ججز نے تربیتی کلاس میں شرکت کی۔ اس موقع پر ڈائریکٹر جوڈیشل اکیڈمی شازب سعید کی قتل ٹرائل کے متعلق لکھی گئی کتاب کی رونمائی بھی کی گئی۔
