اسلام آباد (این این آئی) پاکستان مسلم لیگ (ن) کے صدر اور قائد حزب اختلاف شہبازشریف نے کہا ہے کہ چین میں پھنسے پاکستانیوں کی مدد کے لئے واضح حقائق قوم کو بتائے جائیں۔ ایک بیان میں شہباز شریف نے کہاکہ چین سے پاکستانی طالب علموں کو نکالنے سے متعلق سچائی قوم کو بتائی جائے۔ انہوں نے کہاکہ حیرت کی بات ہے کہ اب تک حکومت پاکستان کوئی واضح بیان اور حکمت عملی بیان نہیں کرسکی۔ انہوں نے کہاکہ
ووہان میں پھنسے پاکستانیوں اوران کے اہلخانہ کی پریشانی کا فوری نوٹس لیاجائے، انہیں مطمئن کیاجائے۔ انہوں نے کہاکہ قوم کو بتایا جائے کہ پاکستانیوں کی واپسی میں کیا رکاوٹیں حائل ہیں،چین میں پاکستانی سفارت خانے کے شکایات نہ سننے کی اطلاعات پر انکوائری کرائی جائے۔ انہوں نے کہاکہ چین میں پاکستانی سفارت خانے کو فعال اور متحرک کیاجائے، زبانی جمع خرچ سے آگے بڑھاجائے۔
