اسلام آباد( آن لائن )محکمہ پاسپورٹ اینڈ امیگریشن نے پریمئر سروس شروع کرنے کا فیصلہ کیا ہے جس کے تحت ریڈایبل پاسپورٹ کی آن لائن بکنگ کرائی جا سکے گی۔تفصیلات کے مطابق محکمہ پاسپورٹ اینڈ امیگریشن کے ذرائع کے مطابق پاسپورٹ بنوانے یا اس کی تجدید کے خواہشمندوں کے لیے مزید آسانیاں پیدا کر دی گئی ہیں۔

کیونکہ اب پاسپورٹ بنانے والوں کو نہ گھنٹوں طویل قطاروں میں لگنا پڑے گا اور نہ ہی ایجنٹوں کے ہاتھوں خوار ہونا پڑے گا۔بلکہ پاسپورٹ کی پریمئیر سروس کے تحت آن لائن بکنگ کے بعد پاسپورٹ باآسانی بنوا سکیں گے۔مشین ریڈ ایبل پاسپورٹ بنانے کے لیے آن لائن بکنگ کے بعد پاسپورٹ کے حصول کے خواہشمندوں کو ان کی مرضی کے مطابق وقت دے دیا جائے گا۔جس وقت کی بکنگ ہو گی۔پاسپورٹ بنانے والے کو اس وقت پر وہ پہنچنا لازمی ہو گا۔اگر کسی وجہ سے کچھ تاخیر یو یا منسوخ کرانا ہوتو فوری آن لائن پریمئیر کو آگاہ کرنا پڑے گا۔پریمیئر سروس کے تحت 10 سے 15 منٹ میں اپنا مشین ریڈ ایبل پاسپورٹ بنانے کا عمل مکمل کیا جائے گا۔پریمیئر سروس کے عوض محکمہ پاسپورٹ اینڈ امیگریشن فیس کے علاوہ 1500 روپے اضافی سروس چارجز کے طور پر وصول کرے گا۔پریمیئر سروس لاہور،کراچی،اسلام آباد، پشاور اور کوئٹہ سمیت ملک بھر کے بڑے شہروں میں جلد ہی شروع کیا جائے گا۔لاہور میں اس حوالے سے تیاریاں مکمل کر لی گئی ہیں،جب کہ باقی شہریوں میں بھی تیاریاں مکمل کی جا چکی ہیں۔اس حوالے سے ایک مفصل رپورٹ ڈائریکٹریٹ پاسپورٹ سیکرٹری داخلہ کو بھجوا دی گئی ہے۔اب اس رپورٹ کی روشنی میں وزارت داخلہ کی طرف سے جیسے ہی منظوری ملتی ہے۔آن لائن بکنگ کے ذریعے پاسپورٹ بنانے کا عمل شروع کر دیا جائے گا۔لاہور سمیت ملک بھر میں ہزاروں کی تعداد میں ایسے افراد موجود ہیں جو پریمئیر سے فائدہ اٹھانے کو تیار ہیںاور 1500 روپے ادا کرنا اس کے لیے کوئی مشکل نہیں۔

موضوعات:پاسپورٹ