لاہور (مانیٹرنگ ڈیسک)انٹرنیشنل سول ایوی ایشن آرگنائزیشن نے وزیراعلی پنجاب کے زیر استعمال طیارے کے حوالے سے وارننگ جاری کرتے ہوئے اسے پرواز کیلئے غیر محفوظ قرار دیا ہے ۔ مقامی اخبار میں شائع رپورٹ کے مطابق آئی سی اے او کی جانب سے وارننگ میں کہا گیا ہے کہ
وزیراعلی پنجاب کے زیر استعمال فوکر جہاز400x کا آٹومیٹک ڈیپینڈنٹ سرویلنس براڈ کاسٹ سسٹم (نیوی گیشن )اور انٹر کولیژن سسٹم انتہائی پرانا ہو چکا ہے جسے فوری اپ گریڈ کرنے کی ضرورت ہے ۔ انٹرنیشنل سول ایوی ایشن آرگنائزیشن کی طرف سے 31دسمبر 2019ء کی ڈیڈ لائن دی گئی تھی جس کےک بعد اب تک اس کی ہدایات پر عملدرٓمد نہیں کیا گیا ۔ ذرائع نے بتایا ہے کہ وزیراعلی پنجا ب کا جہاز 400Xفوکر 2004ء میں جرمنی سے خریدا گیا تھا ۔ اس کے سپیئر پارٹس صرف جرمنی سے مل سکتے ہیں اپ گریڈیشن بھی جرمنی سے ہی ہو گی ۔ جہاز کی اپ گریڈیشن کیلئے 8کروڑ 80لاکھ روپے کے اخراجات آئیں گے ۔
