اسلام آباد (مانیٹرنگ ڈیسک)گیلپ پاکستان کے تازہ سروے میں کاروباری اداروں سے تعلق رکھنے والے 60فیصد افراد نے کہا ہے کہ ملک غلط سمیت جارہا ہے ۔ مقامی اخبار میں شائع رپورٹ کے مطابق گیلپ پاکستان کے تازہ سروے میں کاروباری اداروں سے تعلق رکھنے والے 433افراد سے سوال کیے گئے ۔ ملک کی سمت سے متعلق پوچھے گئے سوال میں 37فیصد نے کوئی جواب نہیں دیا ۔
سروے میں پوچھا گیا کہ اگلے 12ماہ میں آپ اپنے کاروبار کو کیسا دیکھ رہے ہیں ؟ اس کے جواب میں 43فیصد افراد نے کہا ہے کہ اگلے 12ماہ میں صورتحال بہتر ہو گی جبکہ 36فیصد افراد نے خیال کا اظہار کیا کہ اگلا سال پہلے سے بھی بدتر ہو گا ، اس سوال پر 16فیصد نے کہا کہ اگلا سال بھی ایسا ہی ہو گا ۔ سروے میںپوچھا گیا کہ کاروبار کو کن چیزوں سے نقصان پہنچ رہا ہے جن کا حل حکومت کو نکالنا چاہیے ؟ اس پر 22فیصد نے جواب دیا کہ مہنگائی سے کاروبار کو نقصان پہنچ رہا ہے ، 19فیصد نے ٹیکسوں اور 11فیصد نے درآمد و برآمد کے معاملات کو ذمے دار قرار دیا جبکہ 4فیصد نے اشیائے ضروریہ کی قیمتوں اور 4فیصد کرپشن کو بنیادی وجہ قرار دیا ہے ۔
