اسلام آباد( آن لائن ) پی ٹی ایم رہنما محسن داوڑ اور علی وزیر کو اسلام آباد سے گرفتار کر لیا گیا۔تفصیلات کے مطابق پشتون تحفظ موومنٹ کے سربراہ منظور پشتین کو اتوار اور پیر کی درمیانی شب پشاور کے علاقے شاہین ٹاؤن سے گرفتار کیا گیا۔پی ٹی ایم کی جانب سے منظور پشتین کی گرفتاری پر سخت ردِعمل کا اظہار کیا گیا تھا۔محسن داوڑ نے اعلان کیا تھا کہ منظور پشتین کی گرفتاری کے

خلاف دنیا بھر میں احتجاج کریں گے۔ تاہم اب محسن داوڑ اور علی وزیر کی گرفتاری کی بھی اطلاعات ہیں۔اس حوالے سے معروف صحافی احمد نورانی نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ ایک بار پھر پی ٹی ایم کے سینئیر رہنما اور ممبر قومی اسمبلی محسن داوڑ اور علی وزیر کو گرفتار کر لیا گیا ہے۔
#Pakistan again arrested Mohsin Dawar, Ali Wazir, legislators and senior leaders of the Pakhtoon rights movement PTM. The PTM chief Manzoor Pashteen was arrested two days back.

— Ahmad Noorani (@Ahmad_Noorani) January 28, 2020