اسلام آباد(مانیٹرنگ ڈیسک)مسلم لیگ ق کے رہنما کو قتل کر دیا گیا۔تفصیلات کے مطابق گجرانوالہ میں مسلم لیگ ق شکایات سیل کے سٹی چیئرمین شیخ عثمان کو قتل کر دیا گیا ہے۔ کہا گیا ہے کہ ق لیگ کے رہنما کو منشیات فروشی کے خلاف آواز اٹھائی تھی جس بنا پر انہیں قتل کیا گیا ہے ۔ شیخ عثمان اپنی فیکٹری کے باہر کھڑے تھے کہ حملہ آوروں نےان پر فائرنگ کھول دی۔ مسلم لیگ ق ضلعی جنرل سیکرٹری اکرام نے کہا ہے کہ شیخ عثمان نے پولیس کو منشیات فروشوں کے بارے میں بتایا تھا ۔ واقعہ کی سی سی ٹی
وی فوٹیج بھی منظر عام پر آگئی ہے ، فوٹیج میں حملہ آورز ق لیگی رہنما کو قتل کرنے کے بعد بھاگتے ہوئے دیکھا جا سکتا ہے ۔ پولیس نے ملزم مدد علی کی گرفتاری کیلئے چھاپے مارنا شروع کر دیئے ہیں ۔