کراچی(این این آئی)بچوں سے ملنے کیلئے بیتاب ماں نے عدالتی دروازہ کھٹکھٹا دیا،میری شیرخوار بیٹی سمیت دو بچوں کو سابقہ شوہر نے قید کیا ہوا ہے ماں کی عدالت کے باہر روتے ہوئے دہائی،شازیہ نے دو سالہ بچی سمیت دو بچوں کو حبس بے جا رکھنے کے خلاف عدالت میں درخواست دائر کردی۔کراچی کی مقامی عدالت نے ایس ایچ او محمود آباد کو نوٹس جاری کرتے ہوئے حکم دیا کہ بچوں کو بازیاب کرکے 27جنوری کو پیش کیا جائے،
درخواست گزار شازیہ کا کہنا ہے کہ محمود آباد کی رہائشی ہوں 2013میں آفتاب علی خان سے شادی ہوئی،میرے سابقہ شوہر کے دوسری لڑکیوں کے ساتھ تعلقات ہیں،دسمبر 2019میں آفتاب نے مجھے بنا کسی وجہ کے طلاق دے دی،میرے تین بچے ہیں بڑا بیٹا 6سالہ میرے ساتھ ہے، شیر خوار سمیت دوبچوں کو سابقہ شوہر نے گھر میں قید کیا ہوا ہے، 4سالہ حیدر اور 2سالہ نیلن فاطمہ سے ملنے بھی نہیں دیا جارہا،لہذا بازیاب کرایا جائے۔
