اسلام آباد (این این آئی)وفاقی وزیر داخلہ اعجاز شاہ نے کہا ہے کہ دہشتگردی کے خاتمے کیلئے پر عزم ہیں،دہشتگردی اور معاشرے کے جرائم مختلف ہیں،ہمیں معاشرے میں آگاہی پھیلائے کیلئے اقدامات کرنا ہوں گے۔ جمعہ کو یہاں نئے پراجیکٹ لانچ کی تقریب سے خطاب کرتے ہوئے انہوں نے کہاکہ دہشتگردی کے خاتمے کیلئے پر عزم ہیں۔انہوں نے کہاکہ دہشتگردی کے خاتمے کیلئے اقدامات حکومت کی اولین ترجیحات میں موجود ہے-انہوں نے کہاکہ دہشتگردی اور معاشرے کے جرائم مختلف ہیں،ہمیں معاشرے میں آگاہی پھیلائے کیلئے
اقدامات کرنا ہوں گے۔ انہوں نے کہاکہ جب تک معاشرے میں دہشتگردی کے حوالے سے آگاہی نہیں ہو گی تب تک اس کا خاتمہ ممکن نہیں -اعجازشاہ نے کہاکہ یو این او ڈی سی کو یہ مشورہ دوں گا کہ اس فنڈ کا کچھ حصہ معاشرے میں آگاہی پھیلانے پر استعمال کیا جائے-اعجازشاہ نے کہاکہ میں نے فوج اور دیگر قانون نافذ کرنے والے اداروں میں بھی کام کیا ہے-انہوں نے کہاکہ دہشتگردی کے خاتمے کیلئے کرمنل سسٹم کو بہتر بنانے کی ضرورت ہے،وزارت داخلہ اس پروگرام کو کامیاب کرنے میں اپنا کردار ادا کرے گی۔
