پشاور(آن لائن)مسلم لیگ(ن)پشاورکے جنرل سیکرٹری ارباب خضر حیات خان نے کہا ہے کہ مہنگائی نے گزشتہ 7سال کا ریکارڈ توڑدیا ہے ‘ بیروزگاری نے عوام کی کمرتوڑ دی جبکہ گیس بحران نے گھروں کے چولہے ٹھنڈے کردیئے ہیں‘ اپنے بیان میں انہوں نے کہا کہ معاشی صورتحال میں بہتری کی دعویدار حکومت کے دور میں گزشتہ سال کی مقابلے میں اس سال بھی
مہنگائی کی شرح میں ہوشربا اضافے کی وجہ سے عام آدمی کی زندگی اجیرن ہوگئی ہے‘ انہوں نے کہا ہے کہ مہنگائی کی موجودہ لہر انتہائی خطرناک ہے اور ملک کے مختلف حصوں سے آئے روز غریب لوگوں کی خودکشیوں کی اطلاعات آرہی ہیں ‘انہوں نے کہاکہ وزیراعظم عمران خان اب لوگوں کو انصاف کی فراہمی کی بجائے قبروں میں جاکر آرام اور سکون کرنے کی تلقین کررہے ہیں جس سے یہ بات ثابت ہوگئی کہ موجودہ حکومت کے پاس عوام کیساتھ دشمنی کے علاوہ کوء ایجنڈا نہیں پٹرول ،گیس ،آٹا،سبزیاں اور دیگر اشیائے خوردونوش کی قیمتوں میں پچھلی حکومت کی نسبت 300 گنااضافہ ہوچکاہے ‘ انہوں نے کہا ہے کہ انصاف اور مدینہ کی ریاست بنانے کا نعرہ لگانے والے ان حالات کا احاطہ کریں اور خود ہی فیصلہ کریں۔
