لاہور( این این آئی )انسداددہشتگردی کی خصوصی عدالت نے پی آئی سی حملہ کیس میںوزیر اعظم کے بھانجے حسان نیازی سمیت 10وکلا ء کی درخواستوں پر فیصلہ سناتے ہوئے عبوری ضمانت کو کنفرم کر دیا جبکہ تین وکلاء کی کی عبوری ضمانت کی درخواست پر پیر کو سماعت ہو گی۔انسداد دہشتگردی کی خصوصی عدالت کے جج ارشد حسین بھٹہ نے سماعت کی ۔
عدالت نے عابد حسین، سید زین، مزمل حسین، علی جاوید، عبدالرحمن بٹ ،اسامہ معاز، افضل مالک، حسان نیازی، رانا عدیل اورنعیم قمر کیشناخت پریڈ مکمل ہونے پر ضمانت کنفرم کی ۔تفشی افسر نے عدالت کو بتایا کہ فوٹو گرامیٹری ٹیسٹ کروانا ضروری ہیں اور تین لوگ رہتے ہیں جن کے فوٹو گرامیٹری ٹیسٹ نہیں ہوئیجس پر عدالت نے سکندر صدیق، محمد اعظم اورملک حسیب کی عبوری ضمانت میں پیر تک توسیع کر دی ۔
