کراچی(این این آئی)معروف عالم دین مفتی تقی عثمانی نے کہا ہے کہ چین کے مسلمانوں کے بارے میں تشویشناک خبریں آرہی ہیں۔ ایک بیان میں انہوں نے کہا کہ حکومت پاکستان کا فرض ہے کہ وہ چینی مسلمانوں سے متعلق خبروں کی تحقیق کرے۔
معروف عالم دین نے کہا کہ پاکستان چین میں اپنا اثر و رسوخ استعمال کرکے مسلمانوں کو انصاف دلائے۔ مولانا تقی عثمانی نے کہا کہ مسلمان مسلمان کا بھائی ہوتا ہے، مسلمان کسی مسلمان کو بے یار و مددگار نہیں چھوڑتا۔
