اسلام آباد / کوئٹہ(این این آئی) سلیکٹیڈ حکومت کی کشتی ڈانواں ڈھول ڈول ہے، حکومتی اتحادی ابھی سے اپنا رخ متعین کرلیں، ورنہ نہ رہے گا بانس نہ بجے گی بانسری۔ان خیالات کا اظہار جمعیت علماء اسلام کے مرکزی سیکرٹری جنرل سینیٹر مولانا عبدالغفورحیدری نے پارلیمنٹ ہاوس میں میڈیا نمائندوں سے گفتگو کرتے ہوئے کیا

انہوں نے کہا کہ حکومت جمعیت علماء اسلام کے آزادی مارچ سے ہل گئی ہے اور اکھاڑ بچھاڑ کا آغاز ہوگیا یے انہوں نے کہا کہ حکومتی کشتی ہچکولے کھارہی ہے اور ڈوبنے کے قریب پہنچ چکا ہے حکومتی اتحادی اپنے لیئے راستے تلاش کریں انہوں نے کہا کہ سلیکٹیڈ حکومت اور انکے اتحادیوں نے جہاں ملک کی سلامتی کو داو پہ لگایا وہیں اداروں کے اندر اکھاڑ پچھاڑ بھی شروع کر رکھی ہے انہوں نے کہا کہ ملکی معیشت روز بروز دیوالیہ پن کی طرف جارہی ہے مہنگائی بیروزگاری بے راہ روی اور لاقانونیت عام ہوگئی ہے پاکستان اس وقت 35 فیصد سطح غربت کے نیچے زندگی گزارنے پہ مجبور ہوگئے ہے انہوں نے کہا کہ سی پیک کو رول بیک کیا گیا ہے چائنا جیسے دوست کو ناراض کردیا گیا ہے انہوں نے کہا کہ موجودہ حکومت کا بستر گول ہونے والا ہے کارکن آنے والے الیکشن کی تیاریاں کریں،حکومت،اداروں کے درمیان ٹکراؤ سے باز رہیں ایک طرف ہندوستان آئین میں ترمیم کرکے مسلمانوں کیلئے ہندوستان کو جہنم بنارہا ہے آئے روز ایل او سی پہ فائرنگ کا سلسلہ جاری ہے جبکہ حکومت ہمارے اداروں کو آپس میں الجھا کر ہندوستان کو ملک میں مداخلت کا موقع فراہم کررہی ہے۔

موضوعات:مولانا عبدالغفورحیدری