اسلام آباد (این این آئی)پاکستان مسلم لیگ (ن) کے صدر اور قائد حزب اختلاف شہبازشریف نے لنڈی کوتل میں کنڈاوسرکے قریب دستی بم حملے کی مذمت کرتے ہوئے کہاہے کہ ارض پاک پر جان قربان کرنے والے بیٹوں پر فخر ہے، ان کی قربانیاں سنہری حروف سے لکھی جائیں گی۔ایک بیان میں انہوں نے کہاکہ پاک افغان سرحد پرباڑلگاتے ہوئے ہمارے جوانوں کونشانہ بنانا انتہائی قابل مذمت ہے۔ انہوں نے کہاکہ شہید لانس نائک علی تقدیر علی اورکزئی

کو عظیم قربانی پر خراج عیقدت پیش کرتے ہیں۔انہوں نے کہاکہ ارض پاک پر جان قربان کرنے والے بیٹوں پر فخر ہے، ان کی قربانیاں سنہری حروف سے لکھی جائیں گی۔انہوں نے کہاکہ شہداء اور غازیوں کی قربانیاں لازوال ہیں، ان کی قربانیوں کو قرض نہیں اتارا جاسکتا۔انہوں نے کہاکہ اللہ تعالی شہداء کے درجات کو بلند فرمائے، اہلخانہ کو صبر جمیل دے۔شہازشریف نے چار زخمی جوانوں کی جلد صحت یابی کی دعا کی۔

موضوعات:شہبازشریف