نارووال،لاہور (این این آئی) مسلم لیگ (ن) کے مرکزی رہنما احسن اقبال کے خلاف تحقیقات میں تیزی آگئی، نیب راولپنڈی نے نارووال میں چھاپہ مار کر سپورٹس سٹی کا ریکارڈ قبضے میں لے لیا۔ذرائع کے مطابق نیب کی تفتیشی ٹیم نے سپورٹس سٹی نارووال کا بھی دورہ کیا جہاں انہوں نے تعمیرات کے معیار کا جائزہ لیا، تعمیرات نامکمل پائی گئیں۔دریں اثنا مسلم لیگ (ن) کے
سیکرٹری جنرل احسن اقبال نے کہا ہے کہ میڈیا میں کردار کشی ہتھکنڈوں سے مرعوب ہونگے نہ حفاظتی ضمانت کروائیں گے ۔ اپنے ٹویٹر بیان میں انہوں نے کہاکہ عمران خان کی فرعونیت کا مقابلہ کریں گے ۔ جیلیں اپنے مقصد اورجدو جہد سے نہیں روک سکتیں ۔ انہوں نے کہاکہ نیب کو میرا چیلنج ہے کہ ثابت کرے 1993میں جب میں پہل بار ایم این اے بن اس وقت میر ے اثاثے زیادہ ہیں یا آج زیادہ ہیں ۔
