حویلی لکھا(این این آئی)ظالم سسرالیوں نے اپنی بہو کا منہ کالا کرکے سرکے بالوں سے بھی محروم کردیا،عالیہ کو شدید جسمانی تشدد کا بھی نشانہ بنایا گیا،جی نا بھرا تو خاتون کو کمسن بیٹیوں سمیت ایک کمرے میں قید کردیا۔واقعہ کو سب سے پہلے ،،مقامی سینئر معروف صحافی چوہدری فتح اللہ نواز بُھٹہ
نے رپورٹ کیا،پولیس نے فوری نوٹس لیتے ہوئے ملزمان کو گرفتار کرتے ہوئے متاثرہ خاتون کو بچوں سمیت دارلاامان بھیج دیا ۔تھانہ حدود حویلی محلہ عیدگاہ میں کرایہ کے مکان میں رہائش پزیر غلام نبی نے اپنی بہو دو بیٹیوں کی والدہ عالیہ بی بی کو اپنے بیٹوں اور بہو کے ساتھ ملکر ناصرف شدید جسمانی تشدد کا نشانہ بنایا بلکہ عالیہ کا منہ بھی سیاہ کردیا اور سرکے بال بھی مکمل طور پہ مونڈ ڈالے مصدقہ ذرائع نے جیسے ہی ،،مقامی معروف اور سینئر صحافی چوہدری فتح اللہ نوااز بُھٹہ،، کو واقعہ بارے آگاہ کیا اسی دوران اسپیشل برانچ ،سکیورٹی برانچ اور مقامی پولیس نے بلاتاخیر اِن ایکشن ہوتے ہوئے ناصرف متاثرہ خاتون جسے اس کے سسرالیوں نے بچوں سمیت کمرے میں قید کررکھا تھا کو بازیاب کرایا بلکہ مقدمہ درج کرتے ہوئے ملزمان کو بھی گرفتار کرلیا گیا ترجمان اوکاڑا پولیس نے بتایا کہ کسی کوبھی قانون ہاتھ میں لینے کی اجازت نہیں واقعہ میں ملوث خواتین جیل جاچکی ہیں جبکہ اشخاص سے بال کاٹنے والا آلہ برآمد کرنے کے ساتھ ساتھ دیگر قانونی تقاضوں کو پورا کرنے کیلئے دس روزہ ریمانڈ پہ لیا گیا ہے قانون کے مطابق سخت سے سخت کاروائی عمل میں لائی جائے گی۔
