اسلام آباد (این این آئی)سپریم کورٹ نے ٹرائل کورٹ کو عاصمہ رانی قتل کیس کا فیصلہ سنانے سے روکتے ہوئے دہشت گردی کی دفعات کے خلاف اپیل پر تین رکنی بینچ تشکیل دینے کی ہدایت کی ہے ۔ جمعہ کو کیس کیس کی سماعت کے دور ان عدالت نے بینچ کی تشکیل کے لیے معاملہ رجسٹرار آفس کو بھجوا دیا ۔
وکیل ملزم صادق نے کہاکہ عاصمہ رانی کا قتل ذاتی د شمنی ہے ،دہشت گردی نہیں ،ایف آئی آر میں لکھا ہے کہ ذاتی رنجش پر قتل ہوا۔وکیل نے کہاکہ پشاور ہائیکورٹ نے دہشت گردی کی دفعات شامل رکھیں ،ذاتی دشمنی دہشت گردی کیسے ہو گیا؟۔عدالت نے کیس کی سماعت دس روز کے لیے ملتوی کردی۔
