لاہور (مانیٹرنگ ڈیسک) وزیراعظم کی ہدایت پر پنجاب حکومت نے مریم نواز کی میاں نواز شریف سے ملاقات کرانے کا فیصلہ، پنجاب حکومت کے محکمہ داخلہ کو ملاقات کرانے کے لیے درخواست بھی موصول ہو گئی، ذرائع کا کہناہے کہ مریم نواز کی سابق وزیراعظم میاں نواز شریف سے فوری ملاقات کرانے کا حکم دیا گیا ہے۔ دوسری جانب وزیراعظم عمران خان نے ہدایات جاری کرتے ہوئے کہا کہ میاں نواز شریف کے علاج میں کوئی کسر نہ چھوڑی جائے۔ واضح رہے کہ سروسز ہسپتال میں زیر علاج

سابق وزیراعظم نواز شریف کی عیادت کے لئے آنے والی شخصیات کا تانتا بندھا رہا مگر سکیورٹی حکام نے سابق وزیراعظم کے خونی رشتہ داروں کو ان کی عیادت کرنے کی اجازت دی۔ میاں نواز شریف کی عیادت کرنے والوں میں ان کی ہمشیرہ کوثر بی بی، ان کے بھائی شہباز شریف، نواز شریف کی والدہ بیگم شمیم اور مریم نواز کے صاحبزادے جنید صفدر شامل تھے۔ پاکستان مسلم لیگ ن کی خاتون رہنما بی بی وڈیری نے نواز شریف کی صحت یابی کے لئے بکرے کا صدقہ دیا۔

موضوعات:مریم نواز