اسلام آباد(مانیٹرنگ ڈیسک)صوبائی دارالخلافہ کراچی میں پلاسٹک کے انڈے فروخت ہونے کا انکشاف، ایک دکاندار سمیت 3 افراد کو گرفتار کر لیا گیا۔ تفصیلات کے مطابق ڈیفنس میں پلاسٹک کے انڈوں کی فروخت کی شکایت سامنے آنے پر سندھ فوڈ اتھارٹی نے پولیس کے ہمراہ ایک دکان پر کارروائی کی۔کارروائی کے دوران اصلی انڈوں سے مشابہت رکھنے والے پلاسٹک کے نقلی انڈے ملنے پر تحویل میں لینے کے بعد

جنرل اسٹور کے مالک کو گرفتار کرکے دکان سیل کردی گئی۔ ایس پی انویسٹی گیشن سوہائے عزیزنے کہا کہ پولیس نے اس ضمن میں اپنی تحقیقات کا دائرہ وسیع کردیا ہے۔ انہوں نے بتایا کہ پلاسٹک کے انڈوں کی فروخت کے خلاف کی جانے والی کارروائی میں ایک دکاندار اور 2 سپلائرز کو گرفتار کیا گیا ہے جن میں سے ایک کو فارم ہاؤس سے گرفتار کیا گیا۔کارروائی کے دوران زیر حراست ملزمان سے انڈوں سے لدا ٹرک بھی برآمد ہوا ہے۔