لاہور (نیوز ڈیسک) عمران خان پوری دنیا میں ناموس رسالتؐ کا کیس لڑ رہا ہے، اس کے خلاف محاذ نہ کھولیں، مفتی عبدالقوی نے مولانا فضل الرحمان کوخبردار کرتے ہوئے کہا کہ وہ اپوزیشن رہنماؤں کو جا کر بتائیں کہ وزیراعظم عمران خان پوری دنیا میں ناموس رسالتؐ کا مقدمہ لڑ رہے ہیں،

مفتی عبدالقوی نے مولانا کو الٹی میٹم دیتے ہوئے کہا کہ اگر آپ نے ایسا نہیں کیا تو پاکستان کے علماء آپ کے خلاف اٹھ کھڑے ہوں گے انہوں نے مولانا فضل الرحمان کو پانچ دن کا الٹی میٹم دے دیا، پاکستان تحریک انصاف کے مذہبی ونگ کے رہنما مفتی عبدالقوی نے کہا ہے کہ مولانا فضل الرحمان 25تاریخ تک چندہ جمع کرینگے،26کو بیمار اور 27تاریخ کو ملک سے باہر ہوں گے۔لاہور میں صحافیوں سے گفتگو میں مفتی عبدالقوی نے کہا کہ زرد امامہ پہن کر مولانا فضل الرحمان تحفظ ناموس رسالت کے نام پربھیک مانگ رہے ہیں،چندہ، دھندہ اور اس کا انجام مندہ ہو گا۔ہم امت مسلمہ کی نمائندگی کر رہے ہیں وہ چندہ مانگ کر شرمندگی کا باعث بن رہے ہیں۔انہوں نے کہا کہ پانچ دن کی مہلت دے رہا ہوں، ناموس رسالت کا تحفظ ہم کر رہے ہیں یا آپ کر رہے ہیں؟ پانچ دن بعد کمیٹی تمام سیاسی پارٹیوں کے پاس جائے گی۔غریب عوام سے ناموس رسالت کے نام پر چندہ مانگ کر اپنے زرد رمال کی طرح چہرہ بھی زرد کر رہے ہیں۔انہوں نے دعوی کیا کہ 27اکتوبر کے دن مولانا فضل الرحمان بیرون ملک علاج کروانے چلے جائیں گے کیونکہ ناموس رسالت کے نام پر چندہ مانگنے سے بخار آتا ہے اور دل کا اٹیک بھی آتا ہے۔