لاہور(این این آئی) پاکستان مسلم لیگ (ن) کے مرکزی رہنما کیپٹن (ر) محمد صفدر نے کہا ہے کہ نئے کیس میں گرفتاری نواز شریف کا مولانا فضل الرحمان سے رابطہ ختم کرنا ہے، دھرنے سے متعلق حکمت عملی بارے نواز شریف نے حسین نواز کو آگاہ کر دیا۔احتساب عدالت میں میڈیا سے گفتگو کرتے ہوئے کیپٹن (ر) محمد صفدر نے مولانا فضل الرحمان کے لئے نواز شریف کے خط کی تصدیق کر تے ہوئے کہا کہ

ساری عوام جانتی ہے کہ مولانا سے رابطہ ہے اوراس رابطے کو توڑنے کے لئے یہ کیا جا رہا۔نواز شریف تین مرتبہ وزیر اعظم منتخب ہوئے،ان کو پتا تھا یہ سب ہو گا۔انہوں نے کہا کہ میں پیغام رساں ہوں اگر مجھ سے کسی کوحسد ہوتی ہے تو ہوتی رہے۔نواز شریف کا خط حسین نواز تک پہنچا دیا ہے،حسین نواز رابطہ رکھیں گے اور سوشل میڈیا کے ذریعہ سب کو لمحہ با لمحہ باخبر رکھیں گے۔انہوں نے کہاکہ  آنے والا وقت بہت نازک ہے، بہت سے لوگ گھروں کو چلے جائیں گے،نومبر سے پہلے ملک میں بہت بڑی تبدیلیاں آئیں گے۔انہوں نے کہاکہ قوم کو اس عذاب سے نجات دلانے میں شہبازشریف کا کردار تاریخی ہو گا، وہ مولانا کے کندھے سے کندھا ملا کر چلیں گے، شہبازشریف ٹائم بم ہیں جو کبھی بھی چل سکتے ہیں، وہ نوازشریف کے کہنے پر کنویں میں بھی چھلانگ لگا دیں گے، شہبازشریف کے بغیر یہ تحریک کامیاب نہیں ہو گی۔  کیپٹن (ر) محمد صفدر نے کہا ہے کہ نئے کیس میں گرفتاری نواز شریف کا مولانا فضل الرحمان سے رابطہ ختم کرنا ہے، دھرنے سے متعلق حکمت عملی بارے نواز شریف نے حسین نواز کو آگاہ کر دیا۔احتساب عدالت میں میڈیا سے گفتگو کرتے ہوئے کیپٹن (ر) محمد صفدر نے مولانا فضل الرحمان کے لئے نواز شریف کے خط کی تصدیق کر تے ہوئے کہا کہ ساری عوام جانتی ہے کہ مولانا سے رابطہ ہے اوراس رابطے کو توڑنے کے لئے یہ کیا جا رہا