اسلام آباد (مانیٹرنگ ڈیسک )تحریک انصاف کے مذہبی ونگ کے رکن و عالم دین مفتی عبد القوی نے مولانا فضل الرحمان کے اسلام آباد دھرنے کی ٹائم لائن دیتے ہوئےکہا ہے کہ فضل الرحمان 25تاریخ تک سب سے چندہ جمع کریں گے ، 26کو بیمار اور 27تاریخ کو ملک سے باہر ہونگے ۔

مقامی اخبار کی رپورٹ کے مطابق صحافیوں سے گفتگو کرتے ہوئے عبد القوی کا کہنا تھا کہ زردامامہ پہن کر مولانا فضل الرحمان تحفظ رسالتؐ کے نام پر بھیک مانگ رہے ہیں ۔ چندہ ، دھندہ اور اس کا انجام مندا ہو گا۔ ہم امت مسلمہ کی نمائندگی کر رہے ہیں۔ وہ چندہ مانگ کر شرمندگی کا باعث بن رہے ہیں ۔