اسلام آباد (این این آئی) جمعیت علمائے اسلام (ف)کے مرکزی سیکرٹری جنرل سینیٹر مولانا عبدالغفور حیدری نے سوشل میڈیا پر وائرل ہونے والا ہدایت نامہ کو من گھڑت قرار دیدیا۔ ایک بیان میں مولانا عبد الغفور حیدری نے الزام عائد کیاکہ جھوٹا ہدایت نامہ پی ٹی آئی کے لوگوں نے وائرل کیا ہے ،ایک روز سے سوشل میڈیا پر

ہدایت نامہ چل رہا ہے، جو جھوٹ پر مبنی ہے۔ انہوںنے کہاکہ اس جھوٹے ہدایت نامہ سے جمعیت علمائے اسلام کا کوئی تعلق نہیں ہے، پی ٹی آئے نے ہمیشہ مولانا فضل الرحمن اور جے یوآئی کے خلاف منفی سازشیں کی ہیں۔انہوںنے کہاکہ کارکنان اپنا کام جاری رکھے اور آزادی مارچ کی بھرپور تیاریاں کریں ۔

موضوعات:جے یو آئی