لاہور(این این آئی) چیئرمین پنجاب فلم سینسر بورڈ کے تقرر کے حوالے سے عون چوہدری نے شکریے کے ساتھ معذرت کر لی ہے ،اُن کا کہنا ہے کہ اس حوالے سے شائع ہونے والی خبریں درست نہیں اور نہ ہی انہوں نے یہ عہدہ قبول کیا ہے ، عون چوہدری نے مزید کہا کہ وہ
تحریک انصاف کے ادنیٰ کارکن ہیں اور انشاء اللہ رہیں گے اور وہ عمران خان کے منشور پر عملدرآمد کیلئے ہر طرح سے حاضر ہیں ،عون چوہدری نے کہا کہ کوئی بھی عہدہ نہیں بلکہ پارٹی اُن کی اولین ترجیح تھی ، ہے اور مستقبل میں بھی رہے گی اور وہ دل و جان سے اپنی کاوشیں جاری رکھیں گے ۔
