اسلام آباد(مانیٹرنگ ڈیسک)آزاد کشمیر میں پھر زلزلہ، میرپور اور گردو نواح میں جھٹکے محسوس کیے گئے ۔نجی ٹی وی کے مطابق گزشتہ ماہ آزاد کشمیر اور گردو نواح میں آنے والے زلزلے کے آفٹر شاکس کا سلسلہ تاحال جاری ہے اور آج ایک بار پھر میرپور اور گردونواح میں زلزلے کے جھٹکے
محسوس کئے گئے ۔ زلزلے کا دورانیہ دو سے تین سیکنڈ تھا۔زلزلے کے جھٹکوں کے بعد لوگوں میں خوف و ہراس پھیل گیا اوربھگدڑ کی سی صورتحال پیدا ہوگئی،لوگ اپنے گھروں سے باہر نکل آئے۔یاد رہے کہ پچھلے ماہ آنے والے زلزلے کے باعث چالیس سے زیادہ افراد جاں بحق ہو گئے تھے ۔
