اسلام آباد (این این آئی)پاکستان مسلم لیگ (ن) کی ترجمان مریم اورنگزیب نے شہبازشریف کی آزادی مارچ میں عدم شرکت کے حوالے سے خبروں کی سختی سے تردید کرتے ہوئے کہاہے کہ جیل میں نوازشریف اور شہبازشریف کی ملاقات کے حوالے سے ذرائع کی خبر محض جھوٹ ہے۔ جمعرات کو ایک بیان میں انہوں نے کہاکہ شہبازشریف کی آزادی مارچ میں عدم شرکت کی شرانگیزی
قابل افسوس اور قابل مذمت ہے۔انہوں نے کہاکہ میڈیا سے پھر گزارش ہے کہ پارٹی قیادت سے متعلق کوئی بھی اطلاع بغیرتصدیق نہ چلائی جائے۔ انہوں نے کہاکہ محمد شہبازشریف نے پارٹی قائد محمد نوازشریف کو پارٹی کی مشاورت سے آگاہ کیا۔انہوں نے کہاکہ پارٹی کی سی ای سی، پیپلزپارٹی اور جے یوآئی (ف) کی قیادت سے ملاقاتوں کی تفصیل سے بھی آگاہ کیا۔
