پشاور(این این آئی)خیبر پختونخوا میں بارشوں کا نیاسلسلہ شروع ہونے کاامکان ہے،بارشوں کا سلسلہ جمعرات سے ہفتے کے روز تک جاری رہنے کا امکان ہے۔پی ڈی ایم اے نے ضلعی انتظا میہ کو مراسلہ جا ری کر دیا۔محکمہ سمیا ت کے مطابق خیبر پختونخوا میں بارشوں کا نیاسلسلہ شروع ہو نے کاامکان ہے۔ بارشوں کا سلسلہ ہفتے کے روز تک جاری رہنے کا امکان ہے۔

پی ڈی ایم اے نے تیز بارشوں اور ژالہ باری کے پیش نظر متعلقہ اداروں کو پیشگی اقدامات اٹھانے کی ہدایات کردی۔ ہزارہ اور مالاکنڈ ڈویڑن کے بعض علاقوں میں لینڈسلائیڈنگ کا خدشہ بھی ہے، سیاح دوران سفر احتیاطی تدابیر اختیار کریں۔پی ڈی ایم اے کا ایمر جنسی آپریشن سنٹر مکمل فعال ہے۔ عوام کسی بھی نا خوشگوار واقعے کی اطلاع ھیلپ لائن 1700پر دیں۔