اسلام آباد(مانیٹرنگ ڈیسک)وزارت سائنس اینڈ ٹیکنالوجی کا بنایا گیا قمری کیلنڈر غلط نکلا۔مقامی اخبار کی رپورٹ کے مطابق رویت ہلال کمیٹی کے مطابق صفر کا مہینہ بروز منگل آج شروع ہو گیا ہے جبکہ وزارت سائنس اینڈ ٹیکنالوجی کے مطابق یکم صفر بروز پیر ہونا تھی ۔
واضح رہے کہ قمری کیلنڈر پر پہلے ہی مذہبی حلقوں میں تحفظات کا اظہار کیا گیا تھا۔ اسلامی نظریاتی کونسل بھی قمری کیلنڈر پر حتمی فیصلہ نہیں کر سکی اور معاملہ وزارت مذہبی امور کے حوالے کر دیاتھا۔ وزارت مذہبی امور صوبوں سے قمری کیلنڈر کے نفاذ سے مشاورت بھی کر رہی ہے ۔
