میرپور(این این آئی)وزیراعظم عمران خان نے زلزلہ سے جاں بحق ہر فرد کے خاندان کو5 لاکھ امداد دینے کا فیصلہ کیا ہے۔میڈیا رپورٹ کے مطابق وزیراعظم عمران خان کی ہدایت پراین ڈی ایم اے نے جاں بحق ہونے والے ہرفرد کے خاندان کوپانچ لاکھ امداد دینے کا فیصلہ کیا ہے تاہم زخمیوں اوراملاک کے نقصانات کا درست تخمینہ لگا کرامدادی پیکیج کا اعلان بعد میں کیا جائے گا۔ترجمان این ڈی ایم اے کے مطابق

چیئرمین این ڈی ایم اے لیفٹیننٹ جنرل افضل نے وزیراعظم کوزلزلہ میں نقصانات سے آگاہ کیا۔ وزیراعظم عمران خان نے قیمتی انسانی جانوں اوراملاک کے نقصان پردکھ کا اظہارکیا۔ وزیراعظم نے چیئرمین این ڈی ایم اے کوزلزلہ متاثرین کوفوری امداد وبحالی کے احکامات بھی جاری کیے۔دوسری جانب چیئرمین این ڈی ایم اے کا اس سال 8 اکتوبرکونیشنل ریزیلینس ڈے میرپورمیں منانے کے اعلان کیا ہے۔