اسلام آباد(مانیٹرنگ ڈیسک) کچرا پھینکنے والوں کی نشاندہی کرنے پر ایک لاکھ روپے انعام کا اعلان ۔نجی ٹی وی کے مطابق وزیر اطلاعات سندھ سعید غنی نے کہا ہے سیوریج لائنز میں پتھر پھینکنے والوں کی ویڈیوز بھیجیں، ویڈیو بنا کر بھیجنے والے کو ایک لاکھ روپے انعام دیں گے، کراچی میں جان بوجھ کر مسائل پیدا کیے جا رہے ہیں۔ کراچی میں 3 روز سے جاری صفائی مہم

کے اچھے نتائج سامنے آ رہے ہیں،کراچی کے دعویدار ہی اسے گندا کر رہے ہیں، مخالفین نے واٹر بورڈ کو کام سے روکنے کیلئے دھرنا دیا، یہ ایم کیو ایم کا پرانا طریقہ واردات ہے۔سب جانتے ہیں بوریاں ڈال کر گٹر بند کرنے کا طریقہ واردات کس کا ہے، شہری ان کی شیطانی حرکتو ں کی وجہ سے پریشان ہیں۔واضح رہے کہ گندگی کو لیکر سندھ حکومت کو شدید تنقید کاسامنا ہے ۔