لاہور(این این آئی) پنجاب حکومت نے جیلوں میں قیدیوں کو بنیاد ی حقوق فراہم کرنے کے لیے بڑا اقدام اٹھانے کا فیصلہ کیا ہے جس کے تحت جیل مینوئل میں تبدیلی کے ذریعے قیدیوں کی ترجیحی کلاسز کو ختم کیا جائے گا اور نئے ایکٹ کے تحت تمام قیدیوں کو یکساں طور پر ایک ہی کلاس مل سکے گی۔ذرائع کے مطابقحکومت نے جیل
مینوئل تبدیل کرنے کا فیصلہ کر لیا ہے جس کی وزیراعلی پنجاب نے منظوری بھی دیدی ہے۔نئے ایکٹ کی رو سے قیدیوں کو طبی سہولتوں کی فراہمی بھی یقینی بنائی جائے گی، شدید بیمار قیدیوں کو جیل ہسپتال کی بجائے باہر شہر کے ہسپتال میں علاج کی سہولت دی جائے گی۔قیدیوں کے جیل میں رہن سہن کو بین الاقوامی معیار کے مطابق لانے کا فیصلہ کیا گیا ہے۔
