لاہور (آن لائن) پاور ڈویژن میں بجلی کی تقسیم کار کمپنی لیسکو کی نجکاری کا حتمی فیصلہ کرتے ہوئے کمپنی کی قیمت فروخت 52 ارب روپے مقرر کی ہے۔ جس کے لئے پاور ڈویژن نے لیسکو کے تمام اثاثہ جات سے متعلق ریکارڈ طلب کر لیا ہے۔ اس سلسلے میں تیار کی گئی فزیبلٹی رپورٹ کے مطابق لیسکو کی عمارات اور سول ورکس کی مالیت کا تخمینہ 4 ارب روپے، ٹرانسمیشن سسٹم کا تخمینہ 17 ارب روپے، اراضی کا تخمینہ 66 کروڑ روپے، گاڑیوں کا تخمینہ 43 کروڑ روپے، ڈسٹری بیوشن سسٹم کا تخمینہ 29 ارب روپے اور آئی ٹی سسٹم کا تخمینہ 32 کروڑ روپے لگایا گیا ہے۔