اسلام آباد (این این آئی)قومی ائیر لائن کے حوالے سے آڈیٹر جنرل نے اپنی رپورٹ میں انکشاف کیا ہے کہ پی آئی اے نے 10 کروڑ 65 لاکھ روپے مالیت کا کھانا ضائع کیا ہے،ضائع کیاگیا کھانا5لاکھ 14 ہزار 554 افراد کے لئے کافی تھا۔ آڈٹ رپورٹ میں بتایا گیا ہے کہ پی آئی اے نے 2013 میں ایک کروڑ 91 لاکھ 48 ہزار روپے کا کھانا ضائع کیا،یہ کھانا ایک لاکھ 56 ہزار 564 افراد کا پیٹ بھر سکتا تھا۔2014

میں 2کروڑ 27 لاکھ 61 ہزار 245 روپے کا کھانا ضائع کیا گیا،2014 میں ضائع ہونیوالا کھانا ایک لاکھ 50 ہزار 265 مسافروں کیلئے پکایا گیا۔ آڈٹ رپورٹ کے مطابق 2015 میں تین کروڑ 6 لاکھ 62 ہزار کا کھانا کسی کے پیٹ میں نہ جاسکا،2015 میں ضائع ہونے والا کھانا دو لاکھ 7 ہزار 365 افراد کا پیٹ بھر سکتا تھا۔پی آئی اے لاہور انتظامیہ نے تین کروڑ 40 لاکھ روپے کا کھانا ضائع کیا۔

موضوعات:قومی ائیر لائن