لاہور( این این آئی )پنجاب فوڈ اتھارٹی نے خوردنی تیل اور بناسپتی گھی کی سیمپلنگ کے نتائج جاری کر دئیے،317 کمپنیزکے آئل،گھی نمونوں کی چیکنگ کی گئی جس میں سے 47 مضر صحت، 56 میں معمولی نقائص پائے گئے ، فیل ہونے والے مختلف برانڈز کا68ہزار 120کلوگھی اور آئل برآمد کر کے تلف کر دیا گیا۔ سیمپلنگ کے نتائج کے مطابق حفیظ بناسپتی،فواد بناسپتی،ماں بناسپتی،انعام بناسپتی،حیات پام اولین،توانائی پام اولین،گل بناسپتی،مجاہد کوکنگ آئل،مجاہد کو کنگ آئل،مجاہد سویا بین آئل ،فاطمہ پام اولین،زیتون ریفائینڈپام اولین،ممتاز کوکنگ آئل،مدنی کوکنگ آئل،اوکے کوکنگ آئل،ماہا بناسپتی ،روہی بناسپتی،ملتان کینولا آئل،روہی کینولا آئل،اتحاد کینولا آئل،ایشیا پیور آئل،معاذ
سپریم بناسپتی ،شہباز کو کنگ آئل،شمع بناسپتی،مولوی کوکنگ آئل،انداز بناسپتی،قادر بناسپتی،حفیظ کو کنگ آئل،گنج شکر آئل ،شفیع کو کنگ آئل،طیب کو کنگ آئل ،راحت کوکنگ آئل، راحت بناسپتی،ایس بی گولڈ کینولا آئل، ایس بی گولڈ آئل،سدرہ کو کنگ آئل،فاطمہ کو کنگ آئل،تحفظ بناسپتی،معاذ سپریم پکوان آئل،فوجی کوہ نور بناسپتی،شہروز بناسپتی، خوشی کوکنگ میڈیم ،آغاز بناسپتی، ماسٹر شیف کو کنگ آئل،اے سی پی گولڈ بناسپتی اور اتحاد پام اولین کو کنگ آئل کے سیمپلز معیار پر میں کمی پر فیل قرار پائے ۔ فیل ہونے والے مختلف برانڈز کا68ہزار 120کلوگھی اور آئل برآمد کر کے تلف کر دیا گیا۔پاس اور فیل ہونے والے تما م برانڈ ز کے تفصیلی نتائج پنجاب فوڈ اتھارٹی ویب سائٹ پر اپ لوڈ کر دئیے گئے ہیں۔ڈی جی فوڈ اتھارٹی کیپٹن (ر) محمد عثمان نے کہا کہ فیل ہونے والے برانڈز کی پروڈکشن اصلاح ہونے تک بند کر دی گئی ہے۔ تصحیح کرنے والے پلانٹس کے دوبارہ سیمپل لے کر تجزیے کے لیے بھجوائے جائیں گے۔اصلاح کا عمل مکمل اور سیمپل پاس ہونے تک کسی بھی برانڈ کو پروڈکشن کی اجازت نہیں ہو گی۔ڈی جی فوڈ اتھارٹی نے کہا کہ غیر معیاری آئل اور گھی کا استعمال کولیسٹرول ،بلڈ پریشر جیسی موذی بیماریوں کا باعث بنتا ہے۔پنجاب فوڈ اتھارٹی نے مارکیٹ میں فروخت ہونے والی تمام اشیا ئے خوردونوش کے سالانہ تجزیے کا شیڈول جاری کر رکھا ہے۔کیپٹن (ر) محمد عثمان کے مطابق سیمپلنگ شیڈول 2019کے مطابق خوردنی تیل اور بناسپتی گھی کی سال میں دو بار چیکنگ کی جاتی ہے۔