پشاور(این این آئی)گورنرخیبرپختونخوا شاہ فرمان نے بنوں یونیورسٹی کے وائس چانسلر عابد علی شاہ کوفوری طور پر عہدہ سے ہٹادیاہے اور وائس چانسلر کی ذمہ داریاں عارضی طور پر پرو وائس چانسلر بنوں یونیورسٹی سلطان محمود کو دے دی گئیں۔گورنرخیبرپختونخوا نے معاملہ کی باقاعدہ انکوائری کیلئے تین رکنی کمیٹی قائم کردی جوکہ دس دن
میں اپنی حتمی رپورٹ گورنر خیبرپختونخوا کوارسال کرے گی۔ واضح رہے کہ گورنر خیبر پختونخوا شاہ فرمان نے بنوں یونیورسٹی کے وائس چانسلر کی گذشتہ روز سوشل میڈیا اور نجی ٹی وی چینل پررقص پر مبنی ویڈیو جاری ہونے کافوری نوٹس لیاتھا اور سیکرٹری محکمہ اعلی تعلیم کو حقائق پر مبنی رپورٹ پیش کرنے کی ہدایت کی تھی۔
