اسلام آباد(مانیٹرنگ ڈیسک)چوہدری شجاعت کی سوشل میڈیا پر وفات کی جھوٹی خبر پھیلانے والوں کو حراست لے لیا گیا۔تفصیلات کے مطابق ڈپٹی ڈائریکٹر ایف آئی اےآصف اقبال نے کہا ہے کہ سوشل میڈیا پر کچھ دنوں پہلے چوہدری شجاعت کے انتقال کی جھوٹی خبر پھیلائی گئی جس میں ملوث ملزمان کی نشاندہی کرلی گئی ہے۔ڈپٹی ڈائریکٹر نے بتایا کہ ملزمان میں غلام رسول، شیراز علی اور علی شہزاد شامل ہیں جو گجرات کے رہائشی ہیں، تینوں ملزمان سےتحقیقات کی جارہی ہیں ۔ذرائع کاکہناہےکہ الٰہی پیلس کی جانب سے ملزمان کے خلاف سائبر کرائم ایکٹ کے تحت کارروائی کی درخواست کی گئی
تھی۔واضح رہے کہ چوہدری شجاعت گزشتہ دنوں علیل ہو گئے تھے لیکن اب ان کی طبیعت بہتر ہے ۔