اسلام آباد (این این آئی) ترجمان پاک بحریہ نے کہا ہے کہ آپریشن سومنات 65 کی جنگ میں بھارت کی شکست کا دوسرا نام ۔ ترجمان کی جانب سے جاری بیان کے مطابق بھارتی ائیر فورس کے حملوں کو غیر موثر بنانے کیلئے دوارکا ریڈار اسٹیشن تباہ کیا جانا نہایت ضروری تھا۔
ترجمان پاک بحریہ کے مطابق بھارتی بحریہ کو ھاربر سے نکلنے پر مجبور کیا جانا ضروری تھا تاکہ وہ پاک بحریہ کی آبدوز غازی کا نشانہ بن سکیں۔ترجمان پاک بحریہ کے مطابق دوران آپریشن ہر قسم کے مواصلاتی رابطے کی مکمل ممانعت نے آپریشن کو مزید کٹھن بنا دیا تھا۔ترجمان پاک بحریہ نے بتایاکہ آپریشن کے دوران جہازوں کی رہنمائی صرف سمتوں کے ذریعے سے کی جا رھی تھی۔ترجمان کے مطابق نصف شب تمام جہاز دوارکا کے ساحل کے قریب آچکے تھے۔ترجمان پاک بحریہ کے مطابق بارہ بج کر چھبیس منٹ پر فائر کا حکم ملا اور جہازوں کی توپیں آگ اگلنے لگیں تھیں۔ ترجمان نے کہاکہ پے در پے حملوں سے ریڈار اسٹیشن بمع عملے کے مکمل طور پر تباہ ھو چکا تھا۔ترجمان پاک بحریہ کے مطابق ریڈار اسٹیشن کی تباھی سے بھارتی فضائی حملے یکلخت ختم ہو گئے۔ترجمان پاک بحریہ نے بتایاکہ پاک بحریہ کے فاتح بحری بیڑے نے دشمن کو اس کے اپنے پانیوں میں شکست فاش دے دی تھی۔دوسری جانب پاک بحریہ نے یوم بحریہ کے موقع پر نیا پرمو جاری کر دیا-ترجمان پاک بحریہ کے مطابق پرومو میں شہدائے کی لازوال قربانیوں کو خراج عقیدت پیش کیا گیا ہے۔ ترجمان پاک بحریہ کے مطابق پرومو میں شہداء پاکستان اور غازیوں کے راستے پر چلنے والے نئے خون کو سلام پیش کیا گیا ہے ۔
ترجمان پاک بحریہ نے بتایاکہ آفیسرز اور اور جوانوں کا وطن کی حفاظت کے لئے ہر قسم کی قربانی دینے کا عزم بھی پرومو کا حصہ ہے۔ دریں اثناپاک بحریہ نے یومِ بحریہ کے موقع پر ڈاکومنٹری ”ضربِ آب“ریلیز کر دی۔ ترجمانپاک بحریہ کے مطابق پاک بحریہ نے یومِ بحریہ کے موقع پر ڈاکومنٹری ”ضربِ آب“ریلیز کر دی۔ ضربِ آب بحری دفاع کے لیے تشکیل دی جانے والی سپیشل فورس اور میرینز پر بنائی گئی ہے۔ ترجمان پاک بحریہ کے مطابق ڈاکومنٹری سپیشل فورس اور میرینز کی آپریشنل صلاحیتوں کی بھرپور عکاسی کرتی ہے۔
