لاہور(این این آئی)پاکستان مسلم لیگ (ن) مرکزی سیکرٹری اطلاعات مریم اورنگزیب نے کا جج وڈیو سکینڈل میں ملوث ملزمان کی بریت پراپنے رد عمل میں کہا ہے کہ عمران صاحب آج ایک بار پھر آپ کا جھوٹ، جعلسازی اور سیاسی انتقام ثابت ہوگیا، آپ نے سیاسی انتقام کے لئے ایف آئی اے کو استعمال کیا۔اپنے بیان میں انہوں نے کہا کہ ایک پھر ثابت ہوگیا کہ محمد نوازشریف کے خلاف جج کو بلیک میل کرکے فیصلہ لیاگیا،عمران صاحب آپ کی ایک اور سازش اور

کوشش ناکام ہوگئی۔عمران صاحب آپ کا رانا ثنااللہ، شاہد خاقان عباسی، مریم نواز، حمزہ شہباز، سعد رفیق، سلمان رفیق سمیت دیگر سیاسی اسیران کے خلاف جھوٹ بھی آخر بے نقاب ہوکر رہے گا۔اب آپ مزید کسی جھوٹ، جھوٹے مقدمے اور جعلی جذباتی مکالموں کے پیچھے نہیں چھپ سکتے۔آپ کی نااہلی، نالائقی اور جھوٹ دن کی روشنی کی طرح قوم کے سامنے آچکا ہے۔آج ایک بارپھر وقت نے گواہی دی ہے کہ نوازشریف بے گناہ ہے اس کو رہا کیا جائے۔