لاڑکانہ(این این آئی)پاکستان تحریک انصاف کے اہم رہنما اورنامور وکیل نے گولی مارکر خود کشی کرلی،ہسپتال لے جاتے ہوئے راستے میں ہی دم توڑ گئے،تفصیلات کے مطابق پاکستان تحریک انصاف کے سابق سکریٹری جنرل اور نامور وکیل ایڈووکیٹ عبدالوہاب بھٹو نے گھریلو ناچاقیوں کے باعث خود پر پسٹل کے فائر کرکے خودکشی کی کوشش کی جسے ورثا نے تشویش ناک حالت میں چانڈکا اسپتال
کے شعبہ حادثات منتقل کرنے کی کوشش کی تاہم وہ راستے میں ہی دم توڑگئے بعد ازاں اسپتال میں ضروری کاروائی کے بعد لاش ورثا کے حوالے کی گئی۔ بتایا جاتا ہے کہ ایڈووکیٹ عبدالوہاب بھٹو نے گھریلو ناچاقیوں کے باعث خودکشی کی ہے جبکہ خودکشی کرنے والے ایڈووکیٹ پی ٹی آئی رہنما سردار ممتاز بھٹو اور ان کے بیٹے امیربخش بھٹو کے قریب ساتھی اور لیگل ایڈوائیزر بھی تھے۔
