اسلام آباد (نیوزڈیسک)نیب نے جسٹس ریٹائرڈ جاوید اقبال کی قیادت میں اکتوبر سے اب تک مجموعی طورپر 71ارب روپے بدعنوان عناصر سے بر آمد کر کے قومی خزانے میں جمع کروائے جبکہ چیئر مین نیب جسٹس ریٹائرڈ جاوید اقبال نے کہا ہے کہ ملک سے بدعنوانی کے خاتمہ کیلئے اپنی قومی زمہ داریوں کو سرانجام دینے میں کوئی کسر اٹھا نہ رکھیں اور ”احتساب سب کیلئے“ کی پالیسی پر سختی سے عمل کرتے ہوئے شکایات کی جانچ پڑتال، انکوائریاں اور انوسٹی گیشنز مقررہ وقت کے اندر

قانون کے مطابق منطقی انجام تک پہنچائیں۔قومی احتساب بیورو کے چیئرمین جسٹس ریٹائرڈ جاوید اقبال کی سربراہی میں نیب ہیڈ کوارٹرز میں ایک اجلاس منعقد ہوا جس میں نیب کی مجموعی کارکردگی کا جائزہ لیا گیا۔ اجلاس میں قومی احتساب بیورو کے چیئرمین جسٹس جاوید اقبال،چیئرمین نیب کی قیادت میں اکتوبر 2017سے ابتک نیب کی شاندار کارکردگی کا جائزہ لیا گیا۔چیئرمین نیب جسٹس جاوید اقبال کی قیادت میں نیب نے اکتوبر 2017 سے ابتک تقریبا 22 ما ہ کے دوران بلواسطہ اور بلا واسطہ مجموعی طور پر تقریبا 71 ارب روپے بدعنوان عنا صر سے برآمد کرکے قومی خزانے میں جمع کروائے جو کہ ایک ریکارڈ کامیابی ہے اور اس کی مثال نیب کی تاریخ میں گزشتہ کسی بھی 22 ماہ میں نہیں ملتی۔ نیب نے جو رقوم بلواسطہ اور بلا واسطہ طور پربرآمد کی ہیں ان کی تفصیل نیب کے ہر علاقائی بیوروز کی بدعنوان عناصر سے بلواسطہ اور بلا واسطہ طورپر برآمد کی گئی۔ نیب اعلامیہ میں کہاگیاکہ نیب سکھر نے 10.656 ارب روپے کی بلواسطہ اور بلا واسطہ طور پر خطیر رقوم بدعنوان عناصر سے سے برآمد کرکے قومی خزانے میں جمع کروائی۔نیب لاہور نے31.231ارب روپے بلواسطہ اور بلا واسطہ طور پربد عنوان عناصر سے برآمد کرکے قومی خزانے میں جمع کروائے۔نیب بلوچستان نے 0.949 ارب روپے بلواسطہ اور بلا واسطہ طور پر بد عنوان عناصر سے برآمد کرکے قومی خزانے میں جمع کروائے۔نیب کراچی نے 10.861 ارب روپے بلواسطہ اور

بلا واسطہ طور پربد عنوان عناصر سے سے برآمد کرکے قومی خزانے میں جمع کروائے۔نیب راولپنڈی نے 14.653 ارب روپے کی رقوم بلواسطہ اور بلا واسطہ طور پر بدعنوان عناصر سے برآمد کرکے قومی خزانے میں جمع کروائی۔ نیب ملتان نے 2.5 ارب روپے بلواسطہ اور بلا واسطہ طور پربدعنوان عناصر سے برآمد کرکے قومی خزانے میں جمع کروائے۔ اعلامیں کہاگیاکہ نیب خیبر پختوں خواہ نے 0.5 ارب روپے بلواسطہ اور بلا واسطہ طور پر بد عنوان عناصر سے برآمد کرکے

قومی خزانے میں جمع کروائے۔اعلامیہ کے مطابق نیب گلگت بلتستان نے 0.014 ارب رو پے بلواسطہ اور بلا واسطہ طور پر بد عنوان عناصر سے برآمد کرکے قومی خزانے میں جمع کروائے۔چیئرمین نیب جسٹس جاوید اقبال نے کہا کہ ملک سے بدعنوانی کا خاتمہ اور بدعنوان عناصر سے قوم کی لوٹی گئی رقوم کی واپسی نیب کی اولین ترجیح ہے جس کے لیے تمام وسائل بروئے کار لائے جارہے ہیں۔ انہوں نے کہا کہ نیب نے گزشتہ22 ماہ میں تقریبا 71 ارب روپے کی خطیر رقوم بلواسطہ اور

بلا واسطہ طور پربدعنوان عنا صر سے برآمد کرکے قومی خزانے میں جمع کروائی ہیں۔ انہوں نے نیب کے تما م ڈی جیز کو ہدایت کی کہ وہ ملک سے بدعنوانی کے خاتمہ کیلئے اپنی قومی زمہ داریوں کو سرانجام دینے میں کوئی کسر اٹھا نہ رکھیں اور ”احتساب سب کیلئے“ کی پالیسی پر سختی سے عمل کرتے ہوئے شکایات کی جانچ پڑتال، انکوائریاں اور انوسٹی گیشنز مقررہ وقت کے اندر قانون کے مطابق منطقی انجام تک پہنچائیں کیونکہ میگا کرپشن کے مقدمات کو منطقی انجام تک پہنچانا نیب کی نہ صرف اولین ترجیح ہے بلکہ اس کیلئے تمام وسائل بروئے کار لائے جارہے ہیں۔