اسلام آباد (مانیٹرنگ ڈیسک) حکومت نے انعامی بانڈز، سونا، زیورات اور قیمتی پتھروں کے لین دین پر بڑی پابندیاں عائد کر دیں، ایک نجی ٹی وی چینل نے اپنی رپورٹ میں کہا کہ پاکستان فنانشل ایکشن ٹاسک فورس کے اہداف کے لئیدہشت گردوں تک فنڈنگ،

زیورات اور انعامی بانڈز روکے گا، ذرائع کا کہنا ہے کہ تمام ڈیٹا اسٹیٹ بینک، ایس ای سی پی، ایف بی آر، ایف آئی اے اور نیکٹا اکٹھا کریں گے، سٹیٹ بینک ٹیلی کام بینکنگ کا مکمل ریکارڈ فراہم کرے گا، سٹیٹ بینک کا مانیٹرنگ یونٹ انعامی بانڈز کے مالکان کا ڈیٹا فراہم کرے گا، ذرائع کا کہنا ہے کہ انعامی بانڈز کی دہشت گردوں تک منتقلی سو فیصد روک لی گئی ہے۔ اس کے علاوہ ذرائع کا یہ بھی کہنا ہے کہ ٹیلی کام بینکنگ سے دہشت گردوں کو رقم کی منتقلی بھی سو فیصد روک لی گئی ہے، وفاقی اور صوبائی سطح پر فلاحی تنظیموں کی مکمل چھان بین ہوگی، وفاقی و صوبائی فلاحی تنظیموں کی چھان بین سکیورٹی اینڈ ایکسچینج کمیشن کرے گا۔ اس کے علاوہ فلاحی تنظیموں کی رجسٹریشن کا مکمل ریکارڈ اکٹھا کیا جائے گا، ان کے حسابات کی بھی مکمل چھان بین کی جائے گی، ذرائع کا یہ بھی کہنا ہے کہ سونے، زیورات اور قیمتی پتھروں کے لین دین میں شناختی کارڈ لازمی ہو گا اور سونے، زیورات اور قیمتی پتھروں کے کاروبار کو بھی رجسٹرڈ کیا جائے گا۔  حکومت نے انعامی بانڈز، سونا، زیورات اور قیمتی پتھروں کے لین دین پر بڑی پابندیاں عائد کر دیں، ایک نجی ٹی وی چینل نے اپنی رپورٹ میں کہا کہ پاکستان فنانشل ایکشن ٹاسک فورس کے اہداف کے لئیدہشت گردوں تک فنڈنگ، زیورات اور انعامی بانڈز روکے گا